 |
ഇത് !?
രാവേറെയായി നീയെന്നില്‍
കുളിരായ് കുളിര്‍മഴയായ്
വര്‍ണ്ണശലഭമായി മാറിയെങ്കില്‍
ഒരു സ്വര്‍ഗ്ഗമായി പെയ്തുവെങ്കില്‍...
നിന്‍ ലോലഭാവ ചിത്രങ്ങള്‍
എന്‍ പ്രണയതന്ത്രികളില്‍
നീയെന്‍ മനമായി നിഴലായി
വീണ്ടും പൊഴിഞ്ഞുവെങ്കില്‍...
അകലയാമെന്‍ ഹൃത്തിന്‍
സീമകളില്‍ വിടര്‍ന്നുലയും
പീതാംബരിയാം നിറപുഷ്പമായി
നീ എന്നില്‍ വിരിഞ്ഞുവെങ്കില്‍....
ഭാവനയാമെന്‍ വിഹായസ്സിന്‍
ഗഗന നീലിമയില്‍ മന്ദഹസിക്കും
പഞ്ചവര്‍ണ്ണക്കിളിപോല്‍ നീയെന്‍
പ്രണയമായ് തീര്‍ന്നുവെങ്കില്‍
(26.2.2011)
1 comments:
പ്രണയം തുടിക്കുന്നുണ്ട് വരികളില്‍
Post a Comment