ഇത് !?

ഇത് !?

രാവേറെയായി നീയെന്നില്‍

കുളിരായ് കുളിര്‍മഴയായ്

വര്‍ണ്ണശലഭമായി മാറിയെങ്കില്‍

ഒരു സ്വര്‍ഗ്ഗമായി പെയ്തുവെങ്കില്‍...

നിന്‍ ലോലഭാവ ചിത്രങ്ങള്‍

എന്‍ പ്രണയതന്ത്രികളില്‍

നീയെന്‍ മനമായി നിഴലായി

വീണ്ടും പൊഴിഞ്ഞുവെങ്കില്‍...

അകലയാമെന്‍ ഹൃത്തിന്‍

സീമകളില്‍ വിടര്‍ന്നുലയും

പീതാംബരിയാം നിറപുഷ്പമായി

നീ എന്നില്‍ വിരിഞ്ഞുവെങ്കില്‍....

ഭാവനയാമെന്‍ വിഹായസ്സിന്‍

ഗഗന നീലിമയില്‍ മന്ദഹസിക്കും

പഞ്ചവര്‍ണ്ണക്കിളിപോല്‍ നീയെന്‍

പ്രണയമായ് തീര്‍ന്നുവെങ്കില്‍

(26.2.2011)

ഒളിച്ചു കളികള്‍

ഒളിച്ചു കളികള്‍

നീ ഉണ്ടെന്ന് എനിക്കറിയാം..

ഇല്ലെന്നും എനിക്കറിയാം.

നീ ഉണ്ടെങ്കിലും ഇല്ലെങ്കിലും...

ഞാനുണ്ട്...എപ്പോഴും...

(16/02/11 1:32 AM)

ഞാനും പിന്നെ നീയും

ഞാനും പിന്നെ നീയും

രാവേറെ കൊതിച്ചതും

വിധിച്ചതും നീയായിരുന്നു.

ഭാവപ്പകര്‍ച്ചകള്‍ നിറഞ്ഞാടുന്ന

ജീവിതനൗകകള്‍ ഉലയുമ്പോള്‍

ലക്ഷ്യത്തിലേക്കുള്ള പാതകള്‍

അലക്ഷ്യത്തില്‍ നിന്നുള്ള

മടക്കയാത്രകളാവുമോ..?

മനമെന്നില്‍ വരച്ചിട്ട

വിചിത്ര ചിത്രങ്ങളില്‍

പ്രീയചിത്രമേത് ?

വിലങ്ങുകളില്ലാത്ത ഗഗനത്തില്‍

നിന്റെ ചിറകുകള്‍ വിരിയുന്നു

മൈനാകനിറവില്‍

എന്റെ ചിത്രത്തിന്

എന്തു നിറമാണ് കൊടുക്കേണ്ടത്...?

(15.02.2011)